觀花-稗仔佮田裡的作物

早起囡仔學騎術，我閣去田邊共作物翕相。風颱雨痟痟，來去無時，雄雄掖一陣粗的，幾秒就閣停矣。雨裡行田邊的小路散步，心情規个輕鬆起來。

頂遍來是幾若個月前，稻仔、番麥、菜豆這陣早就採收過，換種柑仔蜜、韭菜、高麗菜和菜頭。稗仔猶是上gâu生的，發甲茂茂茂，作穡人慼這種"雜草"慼甲無地講。

幾若個月前翕的稗仔

 

騎術課了後飼馬，和馬培養一下仔感情，就去市區用早晝頓。簡單、清氣的食材，那聽Carpenters那沓沓仔食，若日子攏按呢清閒，嘛真四序。