遮拄好！昨昏欲暗仔咧運動，突然間想著一句話:「若為著研究台灣話，我墓仔埔嘛敢去。」對五百彼塊歌的歌詞來的，真正是按呢，是欲為台灣話奉獻的心。
早起就看著劉教授鋪這篇討論妝娗藝術。伊嘛去墓埔欣賞作品。
文尾掛這篇討論講著西洋的希臘建築，想起幾若年前，發現有一个博物館的網站紹介本身的建築，Acanthus植物名的漢字「茛苕」有錯誤，寫批去反應，博物館拄開始閣毋信。
為著證明，開始上網搜揣資料，連原文的冊影攏揣揣出來。一个追求正確的心，引𤆬我入去西洋文明內底藝術的上源頭。
佮昨昏的彼篇為台灣愛玉取學名 牧野富太郎故事將搬上NHK植物學名的種佮屬名部分愛用字母斜寫*『斜體』仝款，攏是咧講究正確爾爾。
阿宇講：「這種小細節其實很重要。」
佇ChhoeTaigigt查 對應華文-精確，這幾本有收：
1. 1976 Maryknoll台英辭典：tiám-tiám tsin
2. 教育部辭典 tsing-khakt精確
3. 2022 線頂媒體索引：tsing-khak
例句（白話字）：Lán m̄-nā chò-tāi-chì ài kiû chèng-khak, koh khah ài kiû cheng-khak.
例句（漢羅）：咱m̄-nā做代誌愛求正確，koh khah愛求精確。
日本的植物學家牧野富太郎(まきのとみたろうMakino Tomitarō)逐擺去野外調查植物，攏穿西裝，穿插撆紮。人問伊講：「去草埔山林抑無人欣賞，哪就穿甲se33 bi55 looh3 （ 背広 せび）咧？」
牧野講：「我欲去揣我心所愛的，煞毋免梳妝打扮一下？」
寫新聞的人無注意著物種學名的屬與種字母愛用斜體。