新年佇誠品家族聚會，欲去金色三
麥，行車經過信義區的陶朱隱園。
2012年，遮閣是亞太會館，建築是地中海式，創辦人是沈慶京。會館經營餐廳13年，紲落來欲改起做豪華住宅大樓。這塊建地四正sù-tsiànn，一千外坪，佇台北的信義區，價值是無可計算。
新聞紹介大樓有地下四層，地面二十一樓，上特別的是每一層設計過，和下跤層差4.5度，全台灣第一棟！
108、109教師組市賽佇松山工農，我評朗讀佮音字。改音字卷，攑頭就看見khuàinn這棟，就佇窗仔邊。
餐廳的騎士雕像 東方versus西方
儒家六藝《詩》、《書》、《禮》、《易》、《樂》、《春秋》六經
《周禮》禮、樂、射、御、書、數
西式馬術講究服裝，連馬的馬鬃嘛會一簇一簇tshok縛甲整齊，四正閣媠氣，騎馬的人穿插撆紮pih-tsah，有範、精神閣緣投。
櫃臺有一對鴟鴞像，用𠕇的金屬來表現鴟鴞佇空中展翼，翼股si̍t-kóo延伸到底彼種自信自在的精神，siāng時鳥類羽毛的柔軟佮優雅嘛盡展。鴟鴞干焦有一爿的翼黏佇座台，其中的伨重按怎保持穩定，有咱毋捌的鋩角。
