觀天-日頭

日頭是地球所有的生命延續的原動力。

逐工早起到學校，第一層就是攢規工的茶飲tê-ím，因為紲落來就一路無閒tshih-tshih，到中晝才有通歇睏。教室外口的水檯向運動埕，真曠闊，東爿的天逐工看會著日頭和雲咧搬戲。

早起，東爿的日鬚會入窗，踅來我的教室。規間通光又閣溫暖。我定期用強力水濺來洗玻璃，隨時攏有光全的窗仔迎接我上愛的日頭光。

中晝頓過，換西爿通光。西照日普遍予人嫌熱，尤其熱天時，我煞真佮意。