一早起佇厝，那聽聖誕歌曲那無閒，閣順紲共灶跤的水檯、洗衫機的洗槽清洗兼消毒，鑢予清氣tam-tam。心敢若嘛變甲像秋季的天遐爾仔清。
音樂誠實是厲害的魔法師，會𤆬人超越時間佮空間，四界去踅。我算是已經開咧過聖誕月矣。
聖誕是我上愛的西洋節日。讀文藻的時是合唱團員。每年這時，這間教會學校的重大活動就是聖誕晚會，阮會登台獻唱。雖罔嘛是月考的期間，毋閣阮嘛是拚勢練唱，散學練到暗時才轉去。逐家攏真珍惜彼種節日氣氛。
趁年終的坎站，共這年所做所為、事事項項攏回想一遍，滿心攏是媠氣的回憶、浪漫佮感恩。
感恩天公伯仔予我熟似恁！
沒有留言:
張貼留言