練功夫-日常寫作：行星光大道

行星光大道

毋是真正去做明星，穿媠媠去參加大型的頒獎典禮，佇普通學校嘛有星光大道呢！

拄才總務處通知我去領掛號批，一落到二樓，規排攏是低年級的教室。我遐的一年仔囝學生，無論查埔、查某囡仔，攏走倚來叫我，罔講一聲「Lāu-su lí-hó」伊嘛歡喜甲。閣有囡仔欲來牽我的手。有的學生昨昏上課無規矩，拄仔予我講過，嘛是笑微微倚過來。我愛那行那和in相借問，真正感覺家己若歌星抑是電影明星咧。

一路去到總務處愛行足久，真正像行「星光大道」。

領著批，是國賽寄來的，我peh樓梯換行四樓高年級遐，按呢較免一路あいさつai35 sat5 tsuh3。遐的五六年仔加減攏我教過。全校攏我的學生，現此時咧選里長，我若出來參選，應該免宣傳。