苦楝舅
拄才出門去買菜，經過萬囍(阮艋舺名聲上敨的『豪宅』)，外圍的苦楝舅Khóo-līng-kū張咧大開，這款樹仔，每年的十月上影目。這時大開，若親像咧祝賀國家的生日。
臧振華（2005）。南島民族植物文化。台東市：國立台灣史前博物館。
李麗雲等編（2009）。卑南族的家與植物。台東市：國立台灣史前博物館。
人類用聲音，除了創造語言，閣有音樂。自有文字記載歷史開始，古早到現代，東方到西洋，人的生活從來就無欠缺過音樂佮歌曲。 大量的創作，佇民間流傳，一寡經典無予時間洗掉，保存落來矣。這馬科技、網路真發達，欲揣啥物音樂佮歌曲上網就有，這點現代人真正幸福。
《上海灘》是葉麗儀演唱的歌曲，由顧嘉輝作曲，黃霑填詞，收錄佇葉麗儀1980年發行的專輯《上海灘》內底。這塊歌曲是周潤發、趙雅芝主演的電視劇《上海灘》的主題曲。遮爾濟年來，葉麗儀的聲嗽、唱調（tshiùnn-tiāu唱腔)，目前閣無人會當比並。這塊歌我捌紹介予台語課的學生, 主要是叫𪜶聽粵Ua̍t語的入聲。其實對欣賞、文學等等其他的角度，無論是戲劇抑是歌曲、歌者本身，攏是「經典當中的經典」。像這種歌曲，無論詞是佗一種語言寫的，我攏會共歌詞印來看，學起來唱。各種語言攏有，所以我會曉唱真濟語言的歌。以後有機會才閣紹介別塊。
假日練功, 歇睏的坎站會使聽看覓。
[印尼客家歌曲] 上海灘之 - 我是客家人 Hakka song
學生寄這首歌來，講伊先聽著這塊歌，才知影《上海灘》的。
這塊是共《上海灘》的旋律重配詞的，作者拍算是真佮意《上海灘》這塊歌。歌詞寫甲和旋律閣真鬥搭。
前一站欲學Hebrew的詞「for you」，揣著這塊歌，感覺好聽，毋閣猶無時間查歌詞。歌者的歌聲是中音，聽著真溫暖。
Chava Alberstein בשביל
「塗丸」
摔塗丸
屏東的庄跤台糖的甘蔗園滿四界，佇各庄頭邊仔爾爾。甘蔗園邊攏有大條水溝，溝仔闊闊，水淺淺仔，袂掣流。不時會有人牽水牛來食草，順紲予牛落去溝仔滒浴，熱人日頭赤焱焱，滒浴上涼。牛浸浴心爽甲喊袂轉來都有。
毋免去學校的時間，查晡囡仔定定會規陣相招去水溝邊𨑨迌，那耍水那耍塗。逐个會佇溝墘挖塗，搵寡溝水，共澹塗搙做一丸，用幾肢指頭仔揤予略略仔凹nah/lap一窩o。紲落來就愛展工夫，看技術。in隨个仔隨个大力共凹窩的塗丸摔siàng落去溝墘，塗丸siàng佇塗跤，氣壓共塗丸衝破一空，比看sia̋ng的上大空，愈大空的愈厲害。
「塗丸仔」-蟳仔做的
雙扇股窗蟹做塗丸仔 揣食流落來的擬糞(搙jio̍k做規丸的塗砂)
「塗丸仔」-燕仔岫
「臭藥丸」
「臭藥丸」阮序大攏講叫「臭藥水丸仔」，就是日本的正露丸，加一字「仔」，因為藥丸一粒仔囝爾爾。雖罔細細粒，藥水味是無咧客氣的。逐擺歹腹肚共阿爸討欲食藥仔，伊就會倒寡正露丸。幾粒仔窒入去喙，舌頂隨薟甲鑿鑿，規手捗、規喙、規鼻攏藥仔味，kàng甲走無路。無法度，siáng教阮欲食歹腹肚。阮暫時禁氣，緊斟一杯大大杯白滾水共啉落去，藥丸仔綴咧入喉吞入腹肚。規喙的藥水味是沖tshiâng較無矣，毋過愛半工才會完全消去。
這馬的人較幸福，正露丸出新款，藥丸仔外口包一沿甜甜的殼，食著袂臭臭。
kàng：刺激
洗子仔(薁蕘)，紗布袋內貯子仔，規个囥入去一坩白滾水裡，那甪那撋，膠體隨走走出來，佇水裡黏黏結結做伙。洗了，子仔自然會黏做一丸。
