練工夫-每日700字詞造句（基礎與音字延伸）

逐工寫造句，查教典，整理句型。

 

pîn-thàu寫(對頭開始，逐个詞攏練)，寫予學生in參考。

認證B 寫作有一條是予你五个詞，寫出一段話(兩三句)，這五个詞攏愛用著。

我早起練台-華通譯，學著一个重要的技巧和這符合：佇真短的時間內掌握重點，講/寫出來。

恁讀700字詞，順紲提來練寫。先一工10句就會使。我會和逐个做伙練。請貼起來line我共恁鬥看用字用詞佮語句。

700字詞表造句  

001-010

阿爸佮阿母攏去食辦桌矣。

阮阿舅佮阿妗咧作田/作穡。

阮阿伯佮阿姆真惜我。

逐个囡仔攏是爸母的心肝仔囝。

做人毋通遐壓霸！

這款傷天害理的代誌伊曷敢做？敢毋驚予雷公摃/敲著？

你欲先歇睏一下抑是直接開始練習？

毋通予囡仔耍相忝，in會睏袂落眠。

古早的老母咧做厝內的工課，攏共囡仔偝佇尻脊骿。

阿媽了解植物的癖性，伊的花園花草茂閣媠(ōm koh suí)。無仝的花草啥物時陣沃水伊上捌。

阮阿母常在咧滾耍笑，講愛對囝孫較好咧，才袂食老袂振動的時，予序細偝出去外口沃雨。