2023年元宵節
元宵佮圓仔，敢有相siāng？
請看廚房裡的美味科學
這是章致綱老師分享的灶跤內的藝術佮健康的資料。
教育講報電台嘛有節目 年節後+元宵節的美味科學&巧克力等飲品
粿粞 粿脯 粿母
秫米漿 渧水
用機器挨米做漿，規个過程愛略略仔加水。挨好的秫米漿貯佇厚厚的紗布袋仔內。袋仔口縛予絚絚絚，囥佇長椅條長tn̂g-í-liâu頂，扁擔pínn-tann硩頂懸，提索仔soh-á共椅條和扁擔摧予絚絚絚，渧水tè-tsuí。上
影片3：00
渧水過的秫米漿變做一丸，叫做粿粞kué-tshè，毋過這無夠黏。
猶閣有一个重要的動作：煠粿酺kué-pôo，影片的阿媽講這叫粿粞kué-tshè/粿母kué-bó/『粄娘』。煠好的粿酺軟軟黏黏，摻落去大丸秫米粉-粿粞內底做伙撋。
拄渧過水的到底叫粿酺kué-pôo抑是粿粞kué-tshè？各地無啥一致，無啥仝，兩種講法攏有。
撋好的粿粞黏性有夠，會用得開始挲圓仔抑是包大粒鹹圓仔。
挲的圓仔若欲愛紅的，一部分的粿粞摻紅花米(嘛有人叫做紅花ní 請看蔡俊明面冊 )撋撋咧，就變粉紅仔色，這就是紅圓仔。
原本的白粿粞挲出來的圓仔，阮阿媽講愛叫做「烏的」，袂使講白的。
平溪放天燈
天燈閣叫做孔明燈、祈福燈、平安燈，聽講是三國時期諸葛亮發明的，本成pún-tsiânn/拄開始是軍事用，放去空中傳訊息，這馬變做節日祈福的工具。天燈落落來可能會燒起來，引起火災，有的所在禁止放天燈，無，就是有設限制的條件。
「南蜂炮，北天燈」，臺灣的新北市平溪區1990恢復放天燈的活動/儀式，是台灣北部名聲真敨/上出名的民俗活動，天燈節嘛推捒平溪的觀光佮商業活動。
大約佇清朝道光年間，福建省惠安、安溪來的先民由福建省惠安、安溪遷徙來台灣的台北縣十分竂。根據傳說，早前十分竂有土匪，大多數的村民入山覕/逃避，等土匪走，留守佇村中的人，暗時放天燈做信號，報平安，通知山頂的村民落山。in落山轉來的日子，聽講拄仔好是舊曆正月十五元宵節，後來逐年的元宵節，十分地區的村民會放天燈來慶祝。
沒有留言:
張貼留言