觀花-彼欉敢是檨仔？ 之二 答案來矣

早起去銀行進前，佇校園踅一輾，共逐種植粅攏翕一遍，看著春天咧欲來矣！

這幾張相是校園的土檨仔，這陣當咧暴穎，穎裡閣拍莓(花苞)。

想起恁校園邊門仔彼欉樹仔，幾工前猶咧臆，無確定是台東漆仔樹抑是檨仔樹。這馬知矣，百面是檨仔欉，因為現此時暴的穎和阮校園土檨仔的仝款。

我咧臆恁的是愛文(蘋果檨)彼款品種，伊結的果子袂像土檨仔遮厚，所以人較袂注意著。

彼日我專工去邊門仔翕的，和頂面的土檨仔相比並pí-phīng--一下就知，這百面是檨仔。